Am Powys

Trosolwg Powys:

Mae Powys yn lle gwych i fyw a gweithio ynddo, ac mae llawer o drigolion yn mwynhau iechyd da. Serch hynny, fel yng ngweddill Cymru:

• Er bod nifer y bobl sy’n ysmygu yn lleihau, bydd yn heriol cyrraedd targed Llywodraeth Cymru o fod yn ddi-fwg erbyn 2030.
• Mae gormod o blant ac oedolion yn bwysau afiach
• Mae cyfraddau brechiadau a brechiadau ffliw yn tueddu i aros yn is na thargedau cenedlaethol

Mae’r meysydd blaenoriaeth ar gyfer gwella iechyd a llesiant poblogaeth Powys yn cynnwys: parhau i leihau nifer y bobl sy’n ysmygu, lleihau gorbwysedd a gordewdra, cynyddu’r nifer sy’n cael pob brechiad gan gynnwys brechlynnau anadlol y gaeaf a chynyddu’r nifer sy’n manteisio ar raglenni sgrinio.  

Hyfforddiant Gwneud i Bob Cyswllt Gyfrif (MECC) ym Mhowys

Ar gyfer staff Bwrdd Iechyd Addysgu Powys, gellir cael mynediad at yr holl hyfforddiant MECC ar-lein trwy ESR.

Ar gyfer gweithwyr y Sector Cyhoeddus. Gellir cael gafael ar hyfforddiant MECC Lefel 1 a Sgyrsiau Cael Pwysau Iach Lefel 1 a 2 i weithwyr y Sector Cyhoeddus trwy wefan MECC // Public Health Network: E-ddysgu a’r dolenni canlynol.

Ym Mhowys rydym hefyd yn cynnig modiwl hyfforddi 3 awr o hyd MECC.  Mae dyddiadau'n cael eu hysbysebu ar fewnrwyd Bwrdd Iechyd Addysgu Powys a thrwy fwletinau ‘Training Tuesday’, Cyhoeddiadau Powys, lle darperir ffurflen i archebu lle. 

Os oes gennych ddiddordeb mewn trefnu hyfforddiant MECC pwrpasol ar gyfer eich grŵp staff neu sefydliad, cysylltwch â: Helen James, Tîm Iechyd y Cyhoedd Powyshelen.james25@wales.nhs.uk

I gael rhagor o wybodaeth ac i gael gwybod pa gwrs fyddai orau i chi, ewch i dudalen fewnrwyd Iechyd y Cyhoedd Powys Gwneud i Bob Cyswllt Gyfrif (sharepoint.com)

Mae adnoddau Powys MECC hefyd ar gael trwy'r ddolen.